Մեր մասին

Մեր հաճախորդները հաճախ են բնութագրում «Պոլկովնիկ Գրուպը» «լեգենդ» բառով՝ նշելով, որ մեզ հետ են բացման առաջին օրվանից, իսկ այսօր նույն ջերմությամբ այցելում են նաև իրենց երեխաները: Սա առանցքային է մեզ համար, քանի որ «Պոլկովնիկ Գրուպի» հիմքում նույնպես ընտանիքն է, սերնդեսերունդ փոխանցվող աշխատանքն ու արժեքները:

«Պոլկովնիկ Գրուպի» բոլոր ռեստորաններում ներդաշնակորեն միահյուսվում են հաճելի մթնոլորտը և հայկական ու տարածաշրջանային խոհանոցների համեղ ուտեստները: Յուրաքանչյուր ուտեստ պատրաստվում է յուրահատուկ մոտեցմամբ, մատուցման գաղտնիքներով և ինքնատիպ ձեռագրով: Անկրկնելի համի գրավականը հայկական խոհանոցի ավանդական բաղադրատոմսերն են, փորձառու խոհարարների պրոֆեսիոնալ աշխատանքը և բացառապես տեղական, բարձրորակ հումքի օգտագործումը:

Սննդի և սպասարկման որակի նկատմամբ հետևողական մոտեցումը, հոգատար ու նվիրված մասնագիտական թիմը, ինչպես նաև նոր ու շարունակաբար թարմացվող նախագծերի իրականացումը եղել և մնում են «Պոլկովնիկ Գրուպ» -ի առաջնահերթությունը՝ հիմնադրման առաջին իսկ օրվանից: